इतरांच्या जीवनात बदल करण्याचा सर्वोत्तम मार्ग

डॉ.बापूसाहेब कृष्णा भोसले आणि डॉ.लतिका बापूसाहेब भोसले यांनी त्यांचा एकत्रित प्रवास सन १९६८ मध्ये सुरू केला.डॉ.लतिका या शासकीय सेवेत वैद्यकीय अधिकारी म्हणून कोल्हापूर जिल्हा परिषद मध्ये वैद्यकीय अधिकारी होत्या आणि डॉ. बापूसाहेब कृष्णा भोसले हे खाजगी दवाखान्यामार्फत वैद्यकीय सेवा देत होते.वैद्यकीय सेवा देण्याबरोबर समाजातील दिनदुबळ्या लोकांना शिक्षणाचे महत्व सांगून शिक्षण घेण्यासाठी प्रोत्साहीत केले किंबहुना शिक्षण घेण्यासाठी शाळेत, महाविद्यालयात ऍडमिशन घेण्यासाठी मदत केली. गरीब जनतेला वैद्यकीय सेवा मोफत दिली.मोठ्या आजाराने ग्रस्त लोकांना स्वखर्चाने ग्रामीण , दुर्गम भागातून कोल्हापूर येथे आणून पुढील वैद्यकीय सेवा देण्यासाठी काम केले. अशा व्यक्तींची कोल्हापूर येथील घरात रहाण्याची सोय केली.विद्यार्थ्यांच्या फी भरणे,त्यांना पुस्तके देणे,गणवेशाची व्यवस्था करणे .तसेच,भटक्या कुत्र्यांचे निर्बिजीकरण करणे, खाऊ घालणे अशी कामे डॉ.बापूसाहेब कृष्णा भोसले आणि डॉ.लतिका बापूसाहेब भोसले हे करत असत.आजपर्यंत जवळपास २००० विद्यार्थ्यांना मदत केली असून ते विविध क्षेत्रात काम करत आहेत. हे सामाजिक भान स्वकमाईतून चालू होते आणि आताही आहे.